МАН-ын гуравдугаар  Бага хурлаа хоёрдугаар сарын 2-нд хийхээр товоо зарласан билээ. Энэ хурлаараа 2011-2031 он хүртэл баримтлах Хөгжлийн хөтөлбөрөө хэлэлцэж батлах юм байна.  Хөгжлийн хөтөлбөрийг хоёр жил ард түмнээсээ санал, хүсэлтийг нь авч, эрдэмтэн мэргэдээр  хэлэлцүүлж, олон удаагийн хэлэлцүүлэг зохион байгуулж боловсруулсан гэж байна. МАН-ын Ерөнхий нарийн бичгийн дарга У.Хүрэлсүх “Энэ хөтөлбөр бол манай намын луужин төдийгүй улс орноо хэрхэн хөгжүүлэх хөгжлийн баримт бичиг болж байгаагаараа онцлог юм. Ирэх сонгуулийн  мөрийн хөтөлбөрөө  Хөгжлийн хөтөлбөрийнхөө  2012-2016 он хүртэл хэсгийг тасдан авч гаргана гэж ойлгож болно” гэсэн юм.