Монгол улсын Засгийн газрын тогтоолоор бүх сумдад сум хөгжүүлэх санг байгуулсан. Энэ сангийн хөрөнгө тухайн сум орон нутагт ажлын байр бий болгох, жижиг дунд үйлдвэрийг дэмжихэд зарцуулагдах бөгөөд иргэдэд зээл хэлбэрээр олгогдох юм. Сум хөгжүүлэх сангийн санхүүжилтийг сумын хүн амын тооноос хамааран хувиарлаж байна.

Өөрөөр хэлбэл сумдад 50.0-75.0 сая төгрөгийг, харин аймгийн төвийн сум болон нийслэлийн дүүргүүдэд 250.0 сая төгрөгийг хуваарилжээ. Манай аймгийн хэмжээнд 1 тэр бум 340.0 сая төгрөгийн санхүүжилтийг 272 иргэн, аж ахуйн нэгжийн төслийг батлан төрийн сангаар дамжуулан олгосон байна. Энэ зээл олгогдсоноор 350 түр болон шинэ ажлын байр бий болох юм. Аймгийн хэмжээнд Сум хөгжүүлэх сангийн 1 тэр бум 350 сая төгрөгийг сумдад дараах байдлаар хуваарилсан байна. Үүнд: Эрдэнэбулган суманд 265.0 сая төгрөг, Ихтамир, Цэнхэр, Тариат, Өндөр-Улаан, Эрдэнэмандал суманд 75.0 сая төгрөг, Батцэнгэл, Өлзийт, Өгийнуур, Хашаат, Төвшрүүлэх, Чулуут, Жаргалант, Хайрхан, Цэцэрлэг, Хотонт сумдад 60.0 сая, Булган, Хангай, Цахир сумдад 50.0 сая төгрөгийг тус тус олгожээ.

Ж.Баатар