Монголын оюутны спортын 2012 оны аварга шалгаруулах тэмцээн спортын 10 төрлөөр зохион байгуулагдаж байгаа бөгөөд тэмцээний нэгдсэн заавар, хуваарийн дагуу волейболын тэмцээн энэ сарын 01-05-ний өдрүүдэд МУИС-ийн ЭЗС-ийн спорт зааланд амжилттай зохион байгуулагдаж өрсөлдөөнтэй ширүүхэн болж өнгөрлөө.   Тэмцээнийг Волейболын спортын мастер, улсын шүүгч Ц.Батбаатараар ахлуулсан шүүгчдийн бүрэлдэхүүнтэй баг шүүн ажилласан байна. Оюутны волейболын тэмцээнд ШУТИС, ЭМШУИС, МУБИС, МУИС, ХААИС, ХААИС Инженер механикийн сургууль, ИЗИС, ҮБТДС, Мон-Алтиус БТДС, Додоод хэргийн их сургууль, Дархан ХААИС, Улаанбаатар ДС зэрэг их, дээд сургуулиудын оюутан тамирчид өрсөлдөн дүнгээ гаргалаа. Тэмцээнд нийт эрэгтэй 12, эмэгтэй 10 багийн 260 гаруй тамирчид өрсөлдсөнөөс Эрэгтэй

1. Н.Галбадрах дасгалжуулагчтай М.Мөнхсайхан ахлагчтай МУИС
2. С. Амгаабазар дасгалжуулагчтай Д.Билгүүн ахлагчтай ХААИС
3. М.Бат-очир дасгалжуулагчтай Д.Өлзийсайхан ахлагчтай ШУТИС

Эмэгтэй

1. Б.Ням дасгалжуулагчтай Э.Уранбаяр ахлагчтай ШУТИС
2. Н.Нарантуяа дасгалжуулагчтай А.Пүрэвсүрэн ахлагчтай МУБИС
3. Ш.Чойдогжамц дасгалжуулагчтай Алтангэрэл ахлагчтай ИЗИС-ийн баг тамирчид алт, мөнгө хүрэл медалийн эзэд боллоо.

Байгууллагын дүнгээр:

1. М.Бат-очир дасгалжуулагчтай  ШУТИС
2. Н.Галбадрах дасгалжуулагчтай МУИС
3. Ш.Чойдогжамц дасгалжуулагчтай ИЗИС -иуд эхний байрыг эзлэсэн байна .

Тэмцээний хаалтын ажиллагаанд УИХ-ийн гишүүн, АОАШЭВТ-ний ЗБХ-ны дарга С.Ламбаа, МВХ-ны ерөнхий нарийн бичгийн дарга Ц.Бат-Энх, МОСХ-ны Гүйцэтгэх захирал Ч.Эрдэнэтуяа, МУ-ын гавьяат тамирчин Ц.Шоовдор, МВХ-ны Удирдах зөвлөлийн гишүүн, Энагурэ багийн дарга Жан Жин Хун нар оролцон шагналыг гардуулан өглөө. Дараагийн тэмцээн МУБИС-ийн БТС-ийн спорт зааланд 03 сарын 9-10-нд гандболын төрлөөр үргэлжилэн явагдана.

 

МОНГОЛЫН ОЮУТНЫ СПОРТЫН ХОЛБОО