Монголын Мянганы сорилтын сангийн Эрүүл мэндийн төслийн “Та чадна, хойш нь тавилгүй одоо л эхэлье” уриа бүхий “Зүрх судасны өвчлөл, чихрийн шижингээс урьдчилан сэргийлэх” цуврал кампанит ажлын эхний ээлж нэгдүгээр сарын 27-ноос эхлэн гурван сарын хугацаатай үндэсний хэмжээнд хэрэгжээд эхэлжээ. Энэхүү кампанит ажлын хүрээнд 40-өөс дээш насны хүн амын дунд илүүдэл жингээс үүдэлтэй зүрх судасны өвчин, чихрийн шижингийн тархалтыг бууруулахад дэмжлэг үзүүлэх зорилготой  аж. Учир нь 40-өөс дээш насныханд цусны даралт ихсэх, чихрийн шижин өвчнөөр өвчлөх эрсдэл их байдаг тул зөв зохистой хооллолт, идэвхитэй хөдөлгөөн, архи тамхи хэрэглэхгүй байх, урьдчилан сэргийлэх үзлэгт тогтмол хамрагдаж байх зан үйлийг төлөвшүүлэхэд илүү анхаарах юм байна. Н.Дэлгэр