УИХ дахь АН-ын бүлгийн дарга Ч.Сайханбилэг Олон нийтийн радио, телевизийн үндэсний зөвлөлийн гишүүдийг нөхөн томилох асуудлыг хаврын чуулганы эхэнд хэлэлцэж болно гэж үзэж буйгаа өнөөдрийн Төрийн байгуулалтын байнгын хорооны хуралдааны үеэр хэлсэн юм. Тус намын бүлгээр энэ асуудлыг хэлэлцээд хэт улстөржсөн гишүүдээс бүрдэх гэж байна гэсэн юм. 6000 гаруй төрийн бус байгууллага байхад улстөртэй холбогдож байгаагүй хүмүүсийг нэр дэвшүүлж болохгүй байна уу гэсэн асуудлыг үлдээсэн. Энэ саналыг байнгын хорооны гишүүд хүлээн авснаар Олон нийтийн радио, телевизийн үндэсний зөвлөлийн гишүүдийг нөхөн томилох асуудлыг хойшлуулахыг дэмжсэн юм. Мөн Хэвлэл, мэдээллийн эрх чөлөөний тухай, Газрын тухай багц хуулийн төсөл зэргийг хаврын чуулганаар хэлэлцэхээр хойшлуулахыг дэмжлээ.  Уг байнгын хороогоор хаврын чуулганаар хэлэлцэх асуудлын жагсаалтыг хэлэлцэж дуусгалаа. Уг жагсаалтад МАн-ын бүлгийн зүгээс Орон нутгийн сонгуулийн хуулийг оруулахыг  санал болгосон юм. тэгэхээр УИХ болон орон нутгийнс онгууль тусдаа явуулна гээд байгаа МАН-ын бүлгийн энэ шийдвэр саналаа хүчин төгөлдөр болгох арга байж болох юм.