Өмнөговь аймгийн Ханбогд сумын нутаг дэвсгэр дэх “Оюутолгой” төслийн гэрээт “CIS” ХХК-ны ажилчдын байрладаг хэсгийн хашаанд иргэн З гэгч нь 2011 оны 11 дүгээр сарын 18-ны шөнө боомилсон байдалтай нас барсан хэрэг гарсан бөгөөд энэ хэргийн талаар хэвлэл мэдээллийн хэрэгслүүдээр З гэгчийг хятад ажилчид зодож амь насыг нь хохироосон гэж мэдээлсэн боловч мөрдөн байцаалтын явцад түүнийг зодож амь насыг нь хохироосон асуудал тогтоогдоогүй байна.

 Энэ хэрэгт тус аймгийн цагдаагийн газраас эрүүгийн хэрэг үүсгэн шалгасан ба аймгийн прокурорын газраас  Эрүүгийн хуулийн тусгай ангид заасан “Хүнийг санаатай алах” болон “Амиа хорлоход хүргэх” гэмт хэргийн бүрэлдэхүүнгүй гэж үзэж хэргийг Эрүүгийн байцаан шийтгэх хуулийн 208 дугаар зүйлийн 208.1.1, 24 дүгээр зүйлийн 24.1.1 дэх хэсэгт зааснаар хэрэгсэхгүй болгож шийдвэрлэжээ.

 

                                                                                                   УЛСЫН ЕРӨНХИЙ ПРОКУРОРЫН ГАЗРЫН

                                                                                                                  ХЭВЛЭЛ МЭДЭЭЛЛИЙН АЛБА