Засгийн газрын энэ оны зургадугаар сарын 174 дүгээр тогтоолоор Алтны шороон ордын тусгай зөвшөөрлөөр олгогдсон талбайн хэсэгт “Ашигт малтмал хайх, ашиглахыг хориглосон гол, мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газрын хэсэгчлэн тогтоосон хилийн зааг”-ийг баталсан. Тэгвэл Ашигт малтмалын газраас уг хилийн заагт хамрагдсан алтны шороон ордын ашиглалтын 233 тусгай зөвшөөрөл нь  хуулийн дагуу цуцлах үндэслэл бүрдсэн болохыг мэдэгдлээ. Дээрх ашиглалтын тусгай зөвшөөрөл эзэмшигчид Засгийн газрын өнгөрөгч оны  299 дүгээр тогтоолоор батлагдсан “Гол мөрний урсац бүрэлдэх эх, усны сан бүхий газрын хамгаалалтын бүс, ойн сан бүхий газарт ашигт малтмалын хайгуулын болон ашиглалтын тусгай зөвшөөрөл эзэмшигчид нөхөх олговор олгох журам”-ын дагуу нөхөх олговор авах хүсэлтээ геологи, уул уурхайн асуудал эрхэлсэн төрийн захиргааны байгууллагад гаргах ёстой юм байна.