ЗГХА-ЭМГ-ийн нийт ажилтан ажиллагсад  болон ар гэрийхнийг  БНСУ, Франц улсын хамтран үйлдвэрлэсэн “Vaxiflu”  нэртэй томуугийн вакцинд хамрагджээ. Эхний удаад гадаа, хүйтэнд ажилладаг цагдаа, хууль хяналтын байгууллагын албан хаагч, эмч эмнэлгийн ажилтан, сургууль цэцэрлэгийн хүүхдүүдийг хамруулаар төлөвлөөд  аж. Энэ жил дэлхий нийтэд томуугийн тархалд нилээн их байгаа тул ХӨСҮТ-ээр дамжуулан “Vaxiflu”  вакциныг үнэ төлбөргүй хийлгэж болно. Уг вакцин нь хүйтэн орнуудад зориулсан томуугийн эсрэг тарилга юм байна. Ерөнхийдөө зургаан сартайгаас дээш насны бүх хүнд тарьж хэрэглэж болдог гэнэ. Харин халуунтай, тэжээлийн дутагдалтай, амьсгалын замын архаг өвчтэй, элэг, зүрх судас, бөөрний хурц үрэвсэлтэй, өндөг, тахианы махны харшилтай, өмнө нь вакцин хийлгээд хоёр өдрийн турш халуурч байсан бол татгалзаж болох аж. Мөн дархлаа султай, сэтгэл мэдрэлийн хүнд өвчтэй, аливаа вакцинд харшилтай, цочмог халдварт өвчтэй нь нотлогдсон хүмүүс хийдэггүй юм байна.