Дөнгөж тавхан настайгаасаа кино урлагт хөл тавьж, найман настайдаа дэлхий дахины од болсон азтай жаал Макалей Калкин өдгөө 32 настай эр болжээ. Гэртээ ганцаараа киногоороо гайхалтай алдрын оргилд гарч амжсан тэрбээр өдгөө хаана юу хийж явдаг бол. Тэгвэл Макалей Калкины уран бүтээлийн карьер бараг төгсгөл болсон гэж болно. Хэдийгээр тэрбээр алдаг оног кинонд дүр бүтээдэг ч Холливудын томоохон кино компаниудаас түүнийг олж харахаа больсон гэнэ. Гэтэл саяхан нэгэн дэлгүүрээс гарч яваа Макалей Калкины зураг түүний фэнүүдийг цочролд оруулжээ. Олны нүднээс далд шахам амьдардаг түүний царай тун ч муу байсан бөгөөд хэвлэлийнхэн түүний биеийн байдал муу, хорт хавдар туссан, аль эсхүл хар тамхинд орсон гэх зэргээр янз бүрээр таамаглан бичиж эхэлжээ. Үнэхээр ч Макалей Калкиныг мөн гэхэд эргэлзмээр дүр төрхтэй болсон аж. О.Нар