АН-ын ҮЗХ-ны 40 гаруй залуу нэгдэж "Мөнх тэнгэр" нэртэй фракц байгуулжээ. Ингэхдээ тэд аль нэг фракцийг дэмжих эсвэл намын ямар нэгэн бодлогод хаалт тавих гэж оролдохгүй юм байна. Тус фракцид Чингэлтэй дүүргийн АН-ын дарга Б.Батбаатар, Төв аймгийн АН-ын дарга Д.Доржпүрэв, Сүхбаатар аймгаас ҮЗХ-нд сонгогдсон Д.Батмөнх, тус намын ҮЗХ-ны гишүүн, Хан-Уул дүүргийн Засаг дарга А.Ганхуяг Чингэлтэй дүүргээс ҮЗХ-нд сонгогдсон Д.Алтанхуяг, Хэнтий аймгийн АН-ын дэд дарга М.Хүдэрбаатар нарын залуу нэгдэж байгаа юм байна. Тэд өнгөрөгч ням гаригт хуралдаж уг шийдвэрийг гаргасан бөгөөд өнөөдөр болох хэвлэлийн бага хурлын үеэр фракц байгуулах болсон талаараа дэлгэрэнгүй мэдээлэл өгөх ажээ. С.Жигүүр