Тэр их үзэсгэлэнтэй, гүн цэнхэр нүдэндээ Тэнгэр нуусан харцтай Тэр их үзэсгэлэнтэй,гэнэн цагаан хацартаа Тэнгэрийн солонго шиг инээмсэглэлтэй Тэр их үзэсгэлэнтэй,гэрэлт сормуустай Тэнгисийн зүүд шиг лусын төрхтэй Тэр их үзэсгэлэнтэй, саран хөмсөгтэй Тэндээ гунигаа зангидах тэвчээртэй Тэр их үзэсгэлэнтэй, сарнайн өнгөт Тийм сайхныг амсуулагч гоо тансаг уруултай Тэр их үзэсгэлэнтэй,он цагийн борооноор Түмэн эрсийн зүрхнээ дурлалын улаан шүхэртэй Тэр их үзэсгэлэнтэй, орь залуухан болоод Түүдгийн гал шиг дүрэлзэгч омголон хайрын шүлэгтэй Тэр их үзэсгэлэнтэй,энхрий яруу хоолойдоо Тэртээ холын нууцлаг бүүвэйн дууны уянгатай Тэр их үзэсгэлэнтэй, эр зүрхэн дундуур нулимс унагаад одсон Тэсгим хүйтэн шөнийн эмзэг ягаан гунигтай Тэр их үзэсгэлэнтэй... Д.Бат-Эрдэнээс