Сүүлийн долоо хоногийн турш сагсан бөмбөгийн спортд шуугиан дэгдээгээд буй NBA-гийн Нью-Йорк Никс багийн тоглогч хятад залуу Жереми Линий тусламжтайгаар баг нь зургаа дараалсан ялалт аваад байна. Манай цагаар өнөө өглөө болсон тоглолтод Нью-Йорк Никсийнхэн Торонто Рэпторстой учраа тааран тоглосон. Энэ тоглолтод Жереми Лин мөн л гайхалтай тоглолт үзүүлж 27 оноо аван багийнхнаа тэргүүллээ. Торонтогоос Калдерон 25 оноо авч багаа хошуучилсан ба энэ тоглолт 90:87-гийн харьцаагаар Никсийн ялалтаар өндөрлөсөн юм. Багийн лидер Кармело Энтони гэмтлийн улмаас тоглолтыг өнжсөн бөгөөд Стаудемайр энэ тоглолтод 21 оноо авсан. Никсийн онооны лидерээр тодроод буй Жереми Лин оновчтой дамжуулалт таслалтыг гайхалтай гүцэтгэж ухаалаг тоглолтынхоо ачаар ийнхүү багийнхаа ялалтын цувралыг үргэлжлүүлсээр байна.