Монголчуудад сар шинийн бэлэг барьж, мэндчилгээ дэвшүүлэхээр БНХАУ-ын ӨМӨЗО-ны шилдэг циркчид Улаанбаатар хотод хүрэлцэн ирсэн аж. Тэднийг Улаанбаатар дахь БНХАУ-ын Соёлын төвөөс урьж авчирсан гэнэ. Тус хамтлаг нь монголын циркчидтэй хамтран “2012 оныг угтах циркийн тоглолт”- оо өнөөдөр МҮЭСТО-д ганцхан удаа толилуулах  юм байна. Тэд олон улсын нэр хүндтэй  шагнал хүртэж явсан шилдэг хамтлаг тул үзэгчдийг алмайруулсан гайхамшигт үзүүлбэр дүүрэн тоглолтоор бэлэг барихаа амалжээ. Н.Дэлгэр