УИХ-ын гишүүн С.Оюун хөгжлийн бэрхшээлтэй хүүхдүүдэд чиглэсэн хуулийн төсөл боловсруулснаа УИХ-ын дэд дарга Г.Батхүүд өргөн барив. Манай улсад хөгжлийн бэрхшээлтэй иргэдэд чиглэсэн хууль байдаг хэдий ч энэ хуулийн хэрэгжилт муугаас үүдэн эдгээр хүмүүст дэмжлэг болж чаддаггүй юм байна. Одоогоор мөрдөгдөж байгаа хуулийг хөгжлийн бэрхшээлтэй иргэнд зориулсан болохоор хөгжлийн бэрхшээлтэй хүүхдүүд 16 нас хүртлээ улсаас ямар нэгэн тэтгэмж авах боломжгүй байдаг аж. Үүнийг өөрчлөх арга замыг хуулийн төсөлд тусгасан тухай УИХ-ын гишүүн С.Оюун дурдьсан юм. С.Жигүүр