Монголын зохиолчдын эвлэлээс уламжлал болгон зохион байгуулдаг “Утгын чимэг-2012” богино өгүүллэгийн наадмын шилдэгүүд тодорлоо. Энэ оны “Утгын чимэг” наадамд 100-аад уран бүтээлчдийн бүтээл ирсэн бөгөөд өчигдөр Хүүхэлдэйн театрт сүүлийн шалгаруулалтад тунаж үлдсэн арван бүтээлийг уран уншлагын мастеруудын уншсанаар  үзэгчдэд сонирхуулжээ.   “Утгын чимэг-2012” наадмын I байрыг С.Пүрэв “Нохойн зовлон барагдахгүй”, II байрыг Б.Баярсайхан “Үйлийн үрийн төлөөс”, III байрыг  Ц.Доржготов  “Танил биш буун дуу”,  IV байрыг Д.Дашмөнх  “Эзэн хааны аяга”, V байрыг М.Эрдэнэбат “Үүрийн туяа” өгүүлэгүүд тус тус шалгарсан байна. Тус наадмын тэргүүн байрын эзнийг нэг сая төгрөгөөр, удаах байруудын эзнийг  800, 600 мянган төгрөгөөр  шагнажээ.   Н.Дэлгэр