Сар шинийн барилдааны хоёрын даваанд Монгол Улсын арслан Д.Ганхуяг өвдөг шороодлоо. Тэрбээр Дархан-Уул аймгийн Хонгор сумын харьяат аймгийн начин н.Ерөөлтөд өвдөг шороодсон. Ингэснээр энэ жилийн сар шинийн барилдааны таавар нэлээн эрт өөрчлөгдөж байна. Дээгүүр даваанд зүй ёсоор барилдах арслан ийнхүү хоёрын даваанд унаснаар залуу бөхчүүд ямархуу бэлтгэл сайтай байгаа нь харагдаж байна. Хэдэн жилийн өмнө Улсын аварга, арслан, заанууд аймгийн арслангуудад өвдөг шорооддог болсон бол одоо аймгийн начингууд улсын арслан заануудыг унагах нь хэвийн үзэгдэл болжээ. Мөн улсын харцага А.Цацавшир хоёрын даваанд учраа бөхдөө өвдөг шороодоод байна.