Манай сайт  У.Цэвэгмид эмчийн зөвлөгөөг хүргэж байгаа билээ. Уртнасангийн Цэвэгмид, АУ-ны доктор, ЭХЭМҮТ-н Хүүхдийн хүлээн авах Яаралтай тусламжийн тасагын эрхлэгч юм. Хүүхдийн өсөлт, хөгжил эхний 1 жилийн дотор хамгийн эрчимтэй явагддаг. Энэ хугацаанд хүүхдийнхээ биеийн жин, уртыг хэмжиж байх нь туйлын ач холбогдолтой. Хүүхдийн биеийн хэм хэвийн үедээ 36,6⁰С байдаг ба оройдоо 37,0⁰С хүрч нэмэгддэг онцлогтой. Хүний биеийн хэм дулаан үүсэлт ба дулаан алдалт гэсэн 2 тогтолцооны харилцан тогтвортой байдлын үндсэн дээр нэгэн жигд байдаг. Биеийн дулаан булчингийн агшилтаас, нүүрс ус, өөх тосны исэлдэлтээс үүсч, харин хөлрөх үед арьсны нүх сүвээр алдагдана. Субфибриль халууралт: (38⁰С хүртэл) – халуун бууруулах эмчилгээ шаардлагагүй, хүйтэн жин тавьж, ажиглана. Фибриль халууралт: (38⁰С дээш) – биед халууны бодис ялгарч, тархины дулаан зохицуулах төвийг дарангуйлж, булчингийн агшилт, захын судасны агшилтыг нэмэгдүүлснээр дагжин чичрэх шинж илэрнэ. Бага насны хүүхдэд халууралтын шалтгаанттай таталт илэрдэг эрсдэлтэй. Халуун 39,5⁰С – 40⁰С хүрэх үед захын судас тэлж, арьс улайна. Халуурсан хүүхдэд шингэн зүйл сайн уулгах хэрэгтэй. Халуун 38⁰С-аас бага үед биеийг спиртэн уусмал, чийгтэй алчуураар арчина. Хорт халууралт: захын судас нарийссанаас үүдэн дулаан алдалт явагдахгүй, мөчдийн үзүүр хөрсөн, арьс эрээнтэж, зэвхий саарал өнгөтэй болно. Хэрэв 2-3 цагийн дараа дахин халуун нэмэгдвэл халуун бууруулах эмийг давтан өгч болно. Гэхдээ хүүхдийн биеийн жинд тооцсон тунг хэтрүүлж болохгүй. Халуун бууруулах хүүхдэд зориулсан эмийн эмчилгээнд парацетамол (ацетаминофен)-ыг зөвлөдөг. Парацетамол үрэвслийн эсрэг, халуун бууруулж, өвчин намдаах үйлчилгээтэй. Гэвч парацетамол нь элэг, цусны эмгэгийн үед эсрэг заалттай байдгийг мартаж болохгүй. Парацетамолын нэг удаагийн тунг тооцохдоо 10 – 12 мг/кг, өдөрт 2 – 4 удаа хэрэглэнэ. Хоногийн тунг 40 мг/кг – аас хэтрүүлж болохгүй. Парацетамол нь хүүхдийн биед 20 -30 минутын дараа үйлчилж эхэлнэ. Н.Ариунаа