Францын ерөнхийлөгч Николя Саркози 84 дэх удаагийн Оскараас нутаг нэгтнүүд нь гол гол шагналыг нь авсанд талархан халуун баяр хүргэжээ. Тэрбээр шагнал гардуулах ёслолын дараа өөрийн твиттер хуудсандаа энэ тухай бичсэн байна. Ерөнхийлөгч францын кино урлагийн гайхамшгийг америкчуудад мэдрүүлж чадсан уран бүтээлчдээрээ бахархаж буйгаа мөн твиттердээ бичсэн байна. Мөн дашрамд дурдахад Николя Саркозигийн эхнэр Францын тэргүүн хатагтай Карла Брунигийн тоглосон кино Оскарт нэр дэвшээд байсан юм. "Парисын шөнө дунд" хэмээх найруулагч Вүүди Аллены кинонд Карла Бруни музейн хөтчийн дүрийг бүтээсэн бөгөөд энэхүү кино нь өчигдөр Оскараас шилдэг кино зохиолын номинацид ялагчаар тодорсон юм. Н.Өрнө