- Sweetymotion-ы бүсгүйчүүд үнэхээр Чинбаагийн хэлсэний дагуу хийдэг, хараат хүмүүс  үү? - Ганболор: Продюсер   хүний үүрэг хамтлагийг зөв зүг рүү чиглүүлэх,  стилийг бүрэн тодорхойлох.   Тэр утгаараа хараат байхаас өөр аргагүй. Тиймээс ч бидний продюсер Чинбаа хэвээрээ  байхыг хүсдэг.  Бид Чинбааг  авч үлдэхийг хүсдэг. Sweetymotion хамтлагийн  хүссэн уран бүтээлийг Чинбаа хийдэг. Тэр чаддаг. Бид аливаа уран бүтээл дээр бүгдээрээ зөвлөлдөж хийдэг. Хамтлаг анх  үүсэн байгуулагдсан жилүүдэд бид түүнээс 100 хувь хараат байсан гэж болно. Бид тэр үед мэргэжлийн бус тайз гэдгийг ч үнэн сэтгэлээсээ мэдрээгүй бага байсан. Тэр үед Чинбаа бидэнд продюсерын хувиар бүхий л зүйлийг тайзны алхалтыг хүртэл заадаг байсан.  Ер нь хараат байхаас өөр аргагүй. Ингэж тайлбарлах байна. - “Emotion”-ны дараагийн үеийг Чинбаа бэлтгэх үү? - Тэрийг мэдэхгүй байна. Энэ бүсгүйчүүд хэр хол явах вэ гэдгээс шалтгаална байх. Миний хувьд монголоос аль болох сайн уран бүтээлчид гараасай гэж боддог. Хамгийн сүүлд UBS-ийнхэн “Мартагдашгүй намар” гэдэг кино хийж байгаа. Энэ киноны  дууг хийсэн. Мөн “Universe best songs”-т оролцож байгаа хүүхдүүдийн дуун дээр ажиллаж байсан. Үнэхээр миний сэтгэлд нийцсэн хамтлаг байвал хамтарч ажиллахгүй гэсэн сэтгэл надад байхгүй. Монголын урлаг, хөгжим үргэлж дэвжин дээшилж байгаасай гэсэн сэтгэлээр би ажилладаг. - Шууд асууя. Дахиад хэдэн жил дуулах вэ? - Тавьсан зорилго бол байхгүй. 2-3 жил гэж хугацаа зааж төлөвлөөгүй байна. Дуулахаа болих хүртлээ дуулна даа