Зам тээвэр, Барилга хот байгуулалтын яамнаас энэ сарын 15-19-ний өдрүүдэд “Барилга-экспо-2012” үзэсгэлэнг зохион байгуулах гэж байна.   Барилга, нийтийн аж ахуйг хөгжүүлэх, хүн амыг орон сууцаар хангах бодлогыг хэрэгжүүлэх ажлын хүрээнд жил болгон уламжлал болгон зохион байгуулдаг уг үзэсгэлэн нь барилгын салбарын шинэ, шилдэг техник технологи, бүтээгдэхүүн үйлчилгээг сурталчилах, хэрэглээг дэмжих, салбарын сүүлийн үеийн хөгжлийн хандлага, хэрэглэгчдийн хэрэгцээ шаардлагыг тодорхойлох, хангах, салбарын байгууллагуудын үйл ажиллагааг дэмжих, зах зээлийн өргөжүүлэх зорилготой юм.   Тус үзэсгэлэнд барилгын материал үйлдвэрлэл, импорт, худалдаа эрхлэгчид, барилгын багаж хэрэгсэл тоног төхөөрөмжийн худалдаа эрхлэгчид, барилга орон сууцны захиалга авч буй байгууллагууд, үл хөдлөх хөрөнгийн зуучлагч байгууллагууд оролцоно.   Мөн барилга угсралт, засвар үйлчилгээ, засал чимэглэлийн компаниуд, зураг төсөл интерьер дизайны компаниуд, банк даатгал санхүүгийн байгууллагууд зэрэг барилгын салбарын төрийн болон төрийн бус байгууллагууд хамрагдах аж.   Д.Цэцэг