"Shuud.mn"-ын "Гэрт нь авсан гэрэл зураг" булан энэ удаа УИХ-ын гишүүн Х.Тэмүүжингийн гэрээс уншигчдад хүрч байна. Х.Тэмүүжин гишүүнийх хэвлэл мэдээллийн зарим хэрэгсэлд нийтлэгдсэн шиг хаусанд биш Баянгол дүүрэгт жирийн угсармал орон сууцны гурван өрөө байранд амьдардаг юм билээ. Манай сурвалжлах хэсгийг гэрт нь зочлоход, гишүүн гэргийнхээ хамт биднийг найрсагаар хүлээн авсан юм. Үүднийхээ өрөөнөөсөө эхлээд модон хийцтэй тавиураар чимэглэсэн эдний гэр цэлгэр уужим хэрнээ цаанаа тохитой юм билээ. Гишүүнийх энэ байранд 2008 онд нүүж ирсэн гэсэн. Х.Тэмүүжин гишүүн бидэнд гэрээ танилцуулахдаа хамгийн түрүүнд номын сан руугаа дагуулан очсон юм. Түүний номын санд үзэл санааны номнууд түлхүү харагдсан. Гишүүний гэрт “Монголын нууц товчоо”-ны бүх хэвлэл байдаг байсан гэсэн. Нүүдэл суудал хийх үеэр нь хоёр хайрцагтай ном нь алга болж, тэр дунд нь гишүүний цуглуулсан “Монголын нууц товчоо”-ны хуучны хэвлэлүүд нь алга болсон ажээ. Тэрбээр үүнийгээ “Нүүдэл суудлын үеэр юмнууд маань энд тэнд ороод жаахан замбараагүй болсон. Тэдний дотроос  “Монголын нууц товчоо”-нууд маань олдохгүй байгаа. Түүнд жаахан харамсаад байгаа. Алга болсон номнууд дотор “Монголын нууц товчоо”-ны 1970, 1940-өөд оны хэвлэл нь хүртэл байсан юм “ гэж байлаа. -Х.Тэмүүжин гишүүн залуу байхдаа бүр илүү сайн дардас шиддэг байсан гэв. -Х.Тэмүүжин: Анх “Эрэл”-ийн Б.Эрдэнэбат гурван өрөө байранд оруулсан юм. Тэр байранд 4-5 жил амьдарсан. Нэлээн сайн тохижсон байсан чинь Ерөнхийлөгчийн сонгуулийн өмнө маргалдаад байрнаасаа хөөгдсөн. Тухайн үед “Ардчилсан эвсэл” нэгдмэл байх ёстой гэсэн чинь М.Энхсайхан дэвших гээд тэрнээсээ болж маргалдсан. Тэрнээсээ болж Эрдэнэбүрэн, бид хөөгдсөн. Би ч гэхдээ тэдний намд нээх сүрхий байгаагүй. Зүгээр зөвөлгөө энэ тэр өгдөг байсан. Тэгээд л оюутны байр руу орсон. Байрнаасаа хөөгдөөд нэг жил оюутны байранд амьдарсан. Тэгээд хойд талд хоёр өрөө байр авсан юм. Тухайн үед нэг мөсөн гурван өрөө байр авъя гэсэн боловч мөнгөний бололцоо муу байсан тул хоёр өрөөг авч байсан. Тэгээд оюутны байранд суугаад байх жаахан хэцүү учраас лизенгээр хоёр өрөө байр авч байлаа. -Анх байраа худалдаж авахдаа автомашины зогсоолын хамт авсан боловч өнөөдрийг хүртэл зогсоолоо авч чадахгүй байгаа гэв- -“Хүн бүр алдаж онодог. Манай найз нэг хэрэг хийгээд хоригдсон юм. Тэнд байхдаа хийж сурсан гээд надад бүтээлээ явуулсан. Би одоо засарсан гээд өгсөн юм- -Х.Тэмүүжин: “Палконыг нь цөмлөөд өрөөгөө сунгасан юм. Тэрэндээ дулаалга хийлгээгүй учраас жаахан сэрүүхэн юм байна лээ. Хуучны ийм байрыг оролдож болдоггүй юм байна гэдгийг танай сайтын уншигчдад зөвлөе. - Гишүүн маань өөрийнхөө өрөөг хараахан тохижуулж амжаагүй учир бид гэрийн эзэгтэйн хүсэлтээр уг өрөөнд гэрэл зураг авалгүйгээр сонирхсон юм. -Уг нь шинэ байранд орж байгаа айл хамгийн түрүүнд гал тогоогоо засах ёстой. Бид амжаагүй л явна. -Х.Тэмүүжин: Манай эхнэр бид хоёр арван жилийн нэг ангийнх. Тэр утгаараа манайд арван жилийнхний маань зураг их байдаг юм. -Галт уулын чулуу- -Х.Тэмүүжин: 2006 онд өмнөх байрнаасаа гарахдаа номнуудаа айлын грашид хийсэн юм. Даанч тэр грашинд ус алдаад зарим ном маань будаа болсон. Зарим номнуудаа айлд орхисон. Тэгсэн манай найз эзэн суучихаад ийм номнуудыг буцааж өгөхгүй гээд байгаа- -Гишүүн болсноос нь хойш хамгийн их нэмэгдсэн зүйл мөнгөн аяга гэв. Эдгээрийн дотор өвөөгөөс нь дамжиж ирсэн нэг л аяга бий. Бусад нь гишүүн болсны дараа хүмүүсээс бэлгэнд ирсэн гэлээ. Ихэнхийг нь МУИС-ын Хууль зүйн сургуулийн хамт олноос өгсөн гэдгийг Х.Тэмүүжин гишүүн онцолж байлаа. Энэ үеэр түүнээс танд сонгогчдоос тань бэлэг ирдэггүй юм уу. Бусад гишүүдэд лаг бэлэг сонгогчдоос нь өгдөг юм билээ” гэхэд “Сонгогчид маань надад итгээд саналаа өгсөн нь хангалттай шүү дээ” гэж байлаа -Х.Тэмүүжин гишүүн айлд хонх сайн гэдгийг билгэшээж, очсон орон болгоныхоо онцлогыг харуулсан хонхон сувнер авч ирдэг. Мөн тавагнууд цуглуулдаг байсан боловч нүүдлийн үеэр бүгд хагарсан гэв- -УИХ-ын гишүүн Х.Тэмүүжинг долдугаар сарын 1-ий хэргийн талаар нээлттэй сонсгол хийсний дараа гэрийнх нь цонх руу удаа дараа чулуу нүүлгэж байгаа. Тэдгээрийн чулууны нэг. -Х.Тэмүүжин: Энэ миний Д.Энхбат гишүүнтэй хамтран гишүүний тэрбумаараа худалдаж авч байгаа 35 ортой хүүхдийн эмнэлэг. Энд дөрвөн давхар байранд нэг айл байсан гэхээр аймар тансаглал байгаа биз. Хоёр, гурав дахь давхартаа хоёр хоёр камен зуухтай. Түүнийг нь нурааж байгаа хүмүүс нь “Энэ чинь нэг нь дор хаяж зургаан сая төгрөг шүү дээ” гээд харамсаад байсан. Энэ “Хөгжил хотхон”-ы цаад талд нь эмнэлгийн авто зогсоол байх юм. Харамсалтай нь газрын маргаан шийдэгдэхгүй байгаа. Энд хүрээд бидний сурвалжлага өндөрлөсөн юм. Х.Тэмүүжин гишүүний гэрээс гараад явж байхад эдний гэр бүлийн гишүүн бүр өөр өөрийн бие даасан байдлыг эрхэмлэдэг хэрнээ залуу сэтгэлгээтэй, хийж бүтээхийн их оргилуун хүслээр жигүүрлэн буй мэт сэтгэгдэл төрж байлаа. С.Энхзаяа Н.Ариунаа