Урд хөршөөс ялтан солилцооны гэрээгээр  ирсэн эгч дүүс болох Б.Цэвэлмаа, Б.Норжмаа нарын   сэтгэц нь өөрчлөлтэй болсон тул Эмэгтэйчүүдийн хорих эмнэлгээс    Улсын клиникийн төв эмнэлэгт  шилжүүлэн  хэвтүүлжээ.  Тэдний биеийн байдал хүндэвтэр,  эмчилгээнд орсон байна. Б.Норжмаа нарыг эх оронд нь шилжүүлэн авах хүсэлтийг өнгөрөгч  2010 оны хавар тус улсын эрх бүхий албанынханд Хууль зүй, дотоод хэргийн сайд Ц.Нямдорж уламжилсан юм. Эл хүсэлтийг тус улсын эрх бүхий албанынхан хүлээн авч эрүүл мэндийн байдлыг нь харгалзан үзэж эгч дүүсийг монгол руу  шилжүүлсэн билээ. Тэд хятадад ял сонсох болсон учир нь 2008 онд Улаанбаатараас БНХАУ-руу зорчихдоо нэгэн үл таних Өвөрмонгол иргэний захиалгаар мансууруулах төрлийн бодис тээвэрлэж явсныг нь Эрээний боомтын гаалийн байцаагч нар илрүүлж хятадын цагдаа нарт хүлээлгэн өгчээ.Тэдний тээвэрлэж явсан бодис нь каннабисын төрлийн бодис болох нь тогтоогдож тус улсын Ардын шүүхээс 15-20 жилийн хорих ял авч Хөх хотын шоронд хоригдож байсан аж. Н.Бүжин