ОХУ-ын ерөнхийлөгчийн сонгуульд В.Путиныг ялахтай зэрэгцүүлэн одоогийн ерөнхийлөгч Д.Медведев тэрбумтан Михаил Ходорковскийн хаагдсан хэргийг прокурорын шатанд дахин хянуулахаар буцаасан билээ. Ерөнхийлөгчийн энэхүү шийдвэрийг өрнөдийн ажиглагчид Путины эсрэг хийж буй ажиллагаа хэмээн үзэхгүй байна. Татвараас зайлсхийсэн хэргээр хоригдож буй М.Ходорковский болон П.Лебедев нарын хэргийг дахин хянуулах шийдвэр нь эсрэгээрээ В.Путины зүгээс хийж буй алхам хэмээн тэд үзжээ. Магадгүй сөрөг хүчнийхэн болон М.Ходорковскийтэй хийсэн В.Путины тохиролцооны нэг хэсэг хэмээн таамаглаж байна. Н.Өрнө