Монгол Улсын Ерөнхий сайдын санаачлагаар мал аж ахуйн салбарт үр бүтээлтэй ажиллаж байгаа аймаг тус бүрийн 21 шилдэг малчин эмэгтэйг сонгон “Монгол Улсын шилдэг малчин эмэгтэй”-г анх удаа шалгаруулсан юм. Тэд нийслэл хотод дөрөв хоногийн аялал, амралтын хуваарьтай ирсэн бөгөөд хөтөлбөрийн дагуу арга хэмжээнд оролцож байна. Өнөөдөр  Матрикс салон тэднийг хүлээн авч, үсний гоёмёог засалт, нүүр будалт хийж өглөө. Дундговь аймгийн Сайхандулаан сумын малчин Б.Цеэнхорол : Урьд нь ингэж өмнө үсээ сайхан засуулж үзээгүй сайхан санагдаж байна. Биднийг урьж, олон сайхан арга хэмжээнд оролцуулж байгаад баярлалаа. Дархан-Уул аймгийн Орхон жимс ногоо сумын малчин С.Оюунцэцэг: 33 жил мал маллаж байна. Нийслэл хотдоо ирж, баярын арга хэмжээнд оролцож байгаадаа баяртай байна. Монголынхоо нийт эмэгтэйчүүддээ баярын мэнд хүргэе. Н.Ариунаа  П.Наран