Өчигдөр Аваргуудын лигийн шөвгийн 16-гийн хариу тоглолт боллоо. Өнгөрсөн жилийн аварга Барселона клуб германы Байэр Леверкузентэй тоглосон бөгөөд өмнөх тоглолтод 3:1-ийн харьцаагаар испанийн клуб хожоод байсан юм. Тэгвэл өчигдрийн тоглолтод Барса өрсөлдөгчөө 7:1-ээр бут ниргэлээ. Оны шилдэг тоглогчийн шагнал хүртээд байгаа Лионел Месси энэ тоглолтод гайхамшгийг үзүүлсэн гэж болно. Тэрбээр өрсөлдөгчийнхөө хаалганд 5 гоол оруулж рекорд тогтоосон ба одоогоор 12 гоолтой лигийн мэргэн буучийн жагсаалтыг тэргүүлж байна. Ингэснээр Барса клуб шөвгийн наймд хялбархан үлдэж чадлаа. Н.Өрнө