Иран улсын Тегеран хотод болж байгаа Тахтын цомын төлөө чөлөөт бөхийн уламжлалт олон улсын “Алтан Гран-При” тэмцээний эхний өдөр 55 кг-ийн жинд барилдсан Гавьяат тамирчин Б.Наранбаатар нэгдүгээр тойрогт ираны бөх Фаллах Фоладвандыг 1:0, 1:0, хоёрдугаар тойрогт казахстаны бөх Расаул Калиевийг 2:0, 2:1, гуравдугаар тойрогт ираны бөх М.Солтанихагхихийг 1:0, 4:3 онооны харьцаагаар хожиж алтан медалийн төлөө барилдаанд оросын бөх, 2009 оны европын аварга Нариман Исрапиловт 0:1, 5:3, 7:1 харьцаагаар ялагдаж мөнгөн медаль хүртжээ. Мөн жинд зодоглосон залуу бөх Б.Мөнхбат нэгдүгээр тойрогт казакстаны бөх Расаул Калиевт 0:1, 1:7 онооны харьцаагаар ялагдсан байна. А.Алт