Улсын Их Хурлын дарга Д.Дэмбэрэл Монгол Улсын Их Хурлын тухай хуулийн 18 дугаар зүйлийг үндэслэн Улсын Их Хурлын хүндэтгэлийн хуралдаан зарлан хуралдуулах тухай 113 тоот захирамжийг өнөөдөр гаргалаа. Монгол Улсын Ерөнхий сайдын урилгаар Монгол Улсад албан ёсны айлчлал хийж байгаа Холбооны Бүгд Найрамдах Герман Улсын Канцлер Ангела Меркел Улсын Их Хурлын нэгдсэн хуралдаанд үг хэлэхтэй холбогдуулан 2011 оны аравдугаар сарын 13-ны Пүрэв гарагийн 11.40 цагаас Улсын Их Хурлын хүндэтгэлийн хуралдааныг зарлан хуралдуулахаар уг захирамжид заасан байна.