УИХ-ын гишүүн Ш.Сайхансамбуугийн  мэдлийн  "SS" клубт гурван жилийн өмнө  үйлчлүүлсэн Худалдаа хөгжлийн банк, "Сүү" компанийн 130 гаруй ажилчин хоолондоо хордсон хэрэг  гарч байсан. Уг хэрэг гурван жил дамнаж өнгөрөгч сард гэм буруутай этгээдүүдэд ял оноосон юм. Анхан шатны шүүхээс  Эрүүгийн хуулийн 172.2-т заасан үндэслэлээр "SS" клубын захирал н.Бүжидмаад зургаа, менежер Б.Гэрэлмаад 5.6 жилийн хорих ял ногдуулсан билээ. Энэхүү ялаас Өршөөл үзүүлэх тухай  хуулийн хүрээнд тус бүр  гурван жил нь хасагдаж, 2,6-3 жилийн ялыг биеэр эдлэх болсон юм. Гэвч шүүгдэгчид анхан шатны шийдвэрийг эсэргүүцэн давж заалдах гомдол гаргах болсон байна. Мөн шүүхээс хохирогч болох Худалдаа хөгжлийн банк болон "Сүү" компанийн ажилчдад "SS" клубынхан 15-25 сая төгрөг төлөхийг үүрэг болгосон байна