Баян-Өлгий аймгийн ноолуурын ченж Б, Х гэдэг ах дүү нарыг хөнөөсөн хэрэгт яллагдагчаар татагдсан  тус аймгийн Баяннуур сумын харьяат 20-22 настай Ш.Аделбек, К.Ерлан, Ж.Ганибет нарыг өнөөдөр шүүнэ. Тэд  өнгөрсөн дөрөвдүгээр сарын 14-нд Б, Х  нарыг хөнөөж улмаар  машинтай нь шатаасан хэрэгт холбогдсон юм. Эл хэргийг Ш.Аделбек, К.Ерлан, Ж.Ганибет нар бүлэглэн үйлдсэнийг аймгийн Цагдаагийн газрынхан эрэн сурвалжилж илрүүлсэн билээ. Сэжигтнүүдийн нэг нь БНХАУ-ын Шинжаан руу зугтсан байсан аж. Цагдаагийнхан БНХАУ-ын хууль хяналтын байгууллагад мэдэгдсэний дүнд сэжигтэн К.Ерланыг тус улсад бүгж байхад нь саатуулсан юм.