Монгол Улсын Засгийн газрын 2008 оны  120 дугаар тогтоолоор  батлагдсан олон улсын хэмжээнд зохиогддог соёл, урлагийн их наадам, уралдаан , үзэсгэлэн, номын яармагт оролцож онгцгой амжилт гаргасан соёлын  ажилтан,  уран  бүтээлчдэд мөнгөн шагнал олгох журмын дагуу Монгол улсын Засгийн Газрын 2011 оны 07-р сарын 06-ны өдрийн 219 тоот тогтоолоор ОХУ-ын Москва, Санкт- Петербург хотноо зохиогдсон П.И.Чайковскийн нэрэмжит  олон улсын уралдаанд 2-р байр эзэлсэн Дуурь бүжгийн эрдмийн театрын дуучин Э.Амартүвшинд 52.0 /тавин хоёр/ сая төгрөгийг өнөөдөр гардуулаа. Мөн Франц улсад зохиогдсон М.Магины нэрэмжит олон улсын өсвөрийн төгөлдөр хуурчдын уралдаанд оролцож онцгой амжилт үзүүлж, нэгдүгээр байр эзэлсэн Хөгжим бүжгийн коллежийн сурагч Б.Бат-Эрдэнэ, Ж.Ариунзаяа, Ө.Анхзаяа нарт тус бүр 19.0 /арван есөн/ сая, мөн уралдаанаас хоёрдугаар байр эзэлсэн Г.Болормаа, К. Солензаяа, Ч.Дөлгөөн, Э.Амина нарт тус бүр 14.0 /арван дөрвөн/ сая, гуравдугаар байр эзэлсэн Авьяастан төвийн сурагч Ө.Цовоод 9.0 /Есөн/ сая, Бүгд Найрамдах Чех Улсад зохиогддог Косианы нэрэмжит олон улсын өсвөрийн хөгжимчдийн уралдаанд нэгдүгээр  байр эзэлсэн Хөгжим Бүжгийн коллежийн сурагч Г.Чингүүнд 19.0 /арван есөн/ сая төгрөгийн мөнгөн шагналаар шагнаж байгааг гардуулах ёслол өнөөдөр Хөгжим бүжгийн коллеж дээр боллоо. Шагналыг БСШУ-ны сайд С.Отгонбаяр гардуулсан юм.