Мэргэжлийн сүмод монгол залуус хүч сорьж эхэлсний 20 жилийн ой энэ жил тохиож байна. Энэхүү тэмдэглэлт ойд зориулж, сэтгүүлч М.Сугар-Эрдэнэ “Сүмод шингэсэн монгол хөлс” ном хэвлэгдэн гарсан байна.Энэхүү номонд Монголын хүчит хөвгүүд харь орны үндэсний бөхөд анх хэрхэн хүч үзэх болсон, сумогийн дэвжээг хэрхэн эзэгнэх болсон талаар бичжээ. Монголчууд анх сүмод хөл тавьсан 1992 оны хойш өдийг хүртэл хугацаанд Японы мэргэжлийн сүмогийн дохёон дээр 52 монгол бөх барилджээ. Тэдний цаг үе, тэвчээр хатуужил, барилдааны амжилт, хийж байсан мэх, даваа унааны үзүүлэлт, олны сэтгэгдэл, гээд тэр бүхэн энэхүү номонд багтжээ.