Н.Энхбаярын хамгаалалтанд байгаа байр нь Удирдлагын академийн ойролцоох “Мянганы сорилтын сан”-гийн таван давхар түрээсийн байр аж. Одоогоор Н.Энхбаярын байгаа өрөөнд хуралдаж байгаа хүмүүс гарч ирээгүй байна. Харин гадна байгаа Н.Энхбаярын өмгөөлөгч О.Баасанхүү сэтгүүлчдэд АТГ-ын энэ үйлдэл хууль зөрчиж байгааг хэлсэн юм. Тэрбээр “АТГ сэжигтнээр татсан тогтоолоо өгөөгүй байж шууд баривчлах гэж байгаа нь хуулт зөрчиж байна. Ямар ч хэрэг байсан эхлээд заавал сэжигтнээр татах тогтоолоо танилцуулдаг. Цагдаа нар энд эмх замбараагүй байдал үүсэхээс хамгаалах гэж биш, харин Н.Энхбаярыг эвтэйхэн авч гарахын тулд нэмэгдэж ирж байна” гэв.