Италийн Сери Б лигийн Ливорно клубын тоглогч Пьермарио Моросини өчигдөр зуурдаар нас баржээ. Ливорно клуб Пескарагийн эсрэг тоглолт хийж байсан бөгөөд 31 дэх минутад Пьермарио Моросинигийн зүрх зогсож талбайн голд ухаан алдан унасан байна. Түүнийг яаралтай эмнэлэгт хүргэсэн хэдий ч ухаан оролгүй байсаар нас нөгчжээ. Пьермарио Моросини нь 25 настай байсан ба 17 наснаасаа эхлэн Италийн өсвөрийн шигшээ багт тоглох болсон юм. Улирлын эхэнд Ливорно клубт зээлээр ирж тоглож байсан. Италийн хөлбөмбөгийн холбооноос түүний үхэлд эмгэнэл илэрхийлсэн бөгөөд олон тоглогч, дасгалжуулагч нар хэвлэлүүдээр дамжуулан Моросинигийн үхэлд гашуудлаа илэрхийлсээр байна. Өнгөрсөн сард английн Болтон клубын тоглогч Фабрис Муамба мөн зүрх нь зогсож талбайн голд ухаан алдан унаж дуулиан дэгдээж байсан билээ. Н.Өрнө