Цагдаагийн хуучин дарга нарт холбогдох шүүх хуралд оролцуулахаар Нийслэлийн өмгөөлөгчдийн холбооноос дөрвөн шүүгчийг томилжээ. Тодруулбал, хошууч генерал Ч.Амарболдыг Б.Батхуяг, хурандаа Ш.Батсүхийг Л.Даваасүрэн,  дэд хурандаа О.Зоригтийг Ж.Энхтуяа, дэд хурандаа Г.Ганбаатарыг Т.Баярсайхан нар тус тус өмгөөлүүлэхээр томилсон байна. Харин шүүгдэгч нар  Эрүүгийн байцаан шийтгэх хуулийн 39.1 дэх хэсэгт заасны дагуу "Сэжигтэн, яллагдагч, шүүгдэгч, хохирогч өмгөөлөгчөө өөрөө сонгоно" гэсэн заалтыг зөрчиж байна гэж үзэн өмгөөлөгчөөсөө татгалзах хүсэлтийг гаргажээ. Түүнчлэн эрүүл мэндийн байдал муу байгааг харгалзан үзэж, таслан сэргийлэх арга хэмжээг өөрчилж өгөх хүсэлийг шүүх бүрэлдэхүүнд тавьсан байна. Гэсэн ч шүүх бүрэлдэхүүн шүүгчдэгч нарын хүсэлтийг хүлээн авсангүй. Шүүх хурлыг гурав хоногоор буюу энэ сарын 19-нийг хүртэл хойшлууллаа. Мөн өмгөөлөгчид ч үйлчлүүлэгчдийхээ эрхийг хүндэтгээд, өмгөөлөхөөс татгалзаж байгаагаа мэдэгдсэн байна. Д.Цэцэг