ЗТБХБ-ын сайд Ц.Дашдорж саяхан авто тээврийн газар ажиллаж тодорхой үүрэг чиглэл өгсөн билээ. Тухайлбал, салбарын хууль, эрх зүйн шинэ орчныг бодитой хэрэгжүүлэх, хөдөлгөөний зохион байгуулалтыг хангаж зам тээврийн ослоос урьдчилсан сэргийлэх, улсын дугаартай холбоотой давхардал, дугаар худалддаг тухай асуудалд онцгой анхаарах, хүний хүчин зүйлийн нөлөөгүйгээр дугаар олгодог системд орох ёстойг сануулсан юм. Мөн улсын дугаар бол таны тээврийн хэрэгсэлийг бүртгэлжүүлж буй зүйл болохоос ижил дугаартай байлаа гээд машин эвдрэхгүй, осол аваар гарахгүй гэсэн зүйл байхгүй гэдгийг хэлж байсан юм. Авто тээврийн газар өнөөдрөөс эхлэн шинэ сери задлаж, тусгай программын дагуу санамсаргүй сонгогддог системээр бүртгэлээ явуулж эхэлсэн байна. Программыг монгол хүн зохиогоогүй гэдгийг хэлж байсан юм. Ямартай ч салбарын сайдын өгсөн үүрэг хэрэгжсээр байна.