Нийслэлийн Эрүүл мэндийн газар Цагдаагийн ерөнхий газрын Нийгмийн хэв журмыг хамгаалах газартай хамтран энэ сарын 10-16-ны өдрүүдэд эрүүлжүүлэх, баривчлах байрны эмч нарт зориулсан эмнэлгийн анхны тусламжийн талаархи мэдлэг, ур чадварыг дээшлүүлэх   сургалтыг зохион байгуулжээ. Сургалтад 21 аймгийн болон нийслэлийн эрүүлжүүлэх, баривчлах байрны нийт 25 эмч хамрагдсан байна. Сургалтад  оролцогсдоос эмнэлгийн анхны тусламжийн талаархи мэдлэгийн түвшинг шалгах зорилгоор сургалтын өмнөх мэдлэг шалгах сорил  авахад мэдлэгийн  дундаж түвшин 37 хувьтай байжээ. Энэ үеэр оролцогсод нь амилуулах суурь тусламж, осол гэмтэл, хордлого,  цус алдалт, архинд донтох эмгэгийн үеийн эмнэлгийн анхны тусламжийг үзүүлэхэд шаардагдах онолын мэдлэгийг олж авсан байна. Д.Цэцэг