Улаанбаатар хотоос 50 орчим км зайд буюу Төв аймгийн Сэргэлэн сумын Хөшигтийн хөндийд барих нисэх онгоцны шинэ буудлын зураг төсөл өнгөрсөн жил бэлэн болсон. Тэгвэл өнөөдөр тус онгоцны буудлын шав тавих ёслол болох гэж байна. Нисэх онгоцны буудлын байгууламжийг 2015 он гэхэд дуусна хэмээн төлөвлөж байгаа бөгөөд нисэх онгоцны шинэ буудлыг дагасан хот бий болгосноор Улаанбаатарыг зорих шилжилт хөдөлгөөн саарах боломжтой юм. Түүнчлэн агаарын хөлөг нислэгийн зурваст хоёр талаас бууж, хөөрөх боломжтой болсноор нисэх буудлын ашиглалтыг одоогийнхоос 25 хувиар нэмэгдэнэ гэж тооцоолж байгаа аж.   Д.Цэцэг