"Монголын хотуудын холбоо"-ноос зохион байгуулж буй "Монголын хотууд 2011" үзэсгэлэн яармаг "Мишээл экспо"-д үргэлжилж байна. Уг арга хэмжээгээр хотуудын өнгө төрх, ирээдүйн чиг хандлага, хөгжлийн өнөөгийн түвшинг харуулж, үйл ажиллагааг нь олон нийтэд сурталчлан танилцуулах зорилготой юм. Тус үзэсгэлэн хүндэтгэлийн хүлээн авалт, шилдэг аж ахуй нэгжүүдэд шагнал гардуулах ёслолын ажиллагаагаар өнөөдөр өндөрлөх юм байна.