Прокурорын биед халдсан жагсагчдыг шүүнэ
Нийслэлийн прокурорын газрын хяналтын прокурор О.Мөнхбаатарын биед халдаж хууль бусаар жагсаал зохион байгуулсан хэрэгт холбогдсон Б.Батболд, З.Баянсэлэнгэ, М.Амартүвшин, Я.Мөнхсайхан, Д.Шонхоо нарыг өнөөдөр Чингэлтэй дүүргийн шүүхэд 14.30 цагт шүүнэ.
Тэдэнд Эрүүгийн хуулийн 230 дугаар зүйлийн 230.1, 245.1-д зааснаар үндэслэн буруутгаж байгаа юм. Өнгөрөгч арваннэгдүгээр сарын дундуур МАХН-ын дарга Н.Энхбаярын туслах Б.Тулгыг УМБГ-аас баривчилсны саатуулсны дараа Б.Батболд, З.Баянсэлэнгэ, М.Амартүвшин, Я.Мөнхсайхан, Д.Шонхоо нарын хүмүүс түүнийг суллахыг шаардаж, нийслэлийн прокурорын газрын гадаа жагсаал зохион байгуулахдаа прокурорын биед халдсан хэрэгт татагдсан юм. Өнөөдөр болох шүүх хуралд шүүгчээр И.Ганбат, улсын яллагчаар Ц.Хашбаатар нар оролцох юм байна.
СЭТГЭГДЭЛ БИЧИХ