УИХ-ын чуулганы өнөөдрийн нэгдсэн хуралдааны эхэнд Ц.Нямдорж сайдыг огцруулах тухай асуудал орсон байна. Уг асуудлын дараа Монгол Улсын эдийн засаг, санхүү, төсвийн төлөв байдлын талаархи мэдээлэл, “Нийслэлийн иргэдийн Төлөөлөгчдийн хурлын ээлжит сонгууль товлон зарлах тухай” УИХ-ын тогтоолын төслийг хэлэлцэх юм. Мөн эл өдөр Боловсролын тухай хуульд нэмэлт, өөрчлөлт оруулах тухай багц хуулийн төслийн эцсийн хэлэлцүүлгийг хийж, Усны нөөцийг бохирдлоос хамгаалах, усны бохирдлын хяналтын тухай, Донорын тухай хуульд нэмэлт, өөрчлөлт оруулах тухай, Монгол Улсын иргэнд газар өмчлүүлэх тухай хуульд өөрчлөлт оруулах тухай зэрэг хуулийн төслүүдийг хэлэлцэхээр төлөвлөжээ. Тэгвэл УИХ-ын чуулганаар  Хууль зүй, дотоод хэргийн сайд Ц.Нямдоржийг огцруулах тухай асуудлыг эцэслэн шийдэхээр хуралдаж байгаад 15.00 цаг хүртэл завсарлалаа. Өнөөдрийн чуулганд ЦЕГ, АТГ болон Прокурорын ерөнхий газрын төлөөлөгчид оролцож байгаа юм. Гэрэл зургийг Н.Ариунаа