Өөрийн өвөрмөц, төрх авьяас чадвараараа олонд танигдсан СТА жүжигчин Г.Эрхэмбаяр монголын анхны 3D  “Сайн муу хэрцгий” кинонд гол дүрийг бүтээсэн билээ. Түүнчлэн “Парисын Дарь эхийн сүм” мюзиклийн Квазимадо, “Нүцгэн дурлал” жүжгийн Блез, “Амьдралд тавтай морил” киноны Билгээ зэрэг тайз дэлгэцийн дүрийг чадварлаг бүтээсэн залуу уран бүтээлч юм. Тэрээр анх 2003 онд Улсын драмын эрдмийн театрт орж С.Жаргалсайхан агсны “Жамуха” жүжигт дуугүй баатрын дүрд тоглож анх тайзнаа гарч байжээ. Эрхэмбаяр чөлөөт цагаараа ихэвчлэн унтаж өнгөрөөдөг бөгөөд хааяа найз нартайгаа анд явдаг гэнэ. Залуу уран бүтээлч тэрээр өөрийгөө чи болоогүй гэж байнга доош нь дарж хурцалдаг аж.