Эрэгтэйчүүдийн боксын үндэсний шигшээ багийнхан Эрдэнэт хотод бэлтгэл хийж байгаад ням гаригт нийслэлд иржээ. Тэднээс Лондоны олимпийн эрх авсан Монгол Улсын хөдөлмөрийн баатар П.Сэрдамба, гавьяат тамирчин У.Мөнх-Эрдэнэ, Н.Төгсцогт, ОУХМ Б.Түвшинбат нарын дөрвөн тамирчин ҮШБ-ийн ахлах дасгалжуулагч Д.Ганзориг, дасгалжуулагч Э.Сайнбилэг, Ц.Амаржаргал нарын удирдлага дор ОХУ-ын Хабаровскийн олон улсын тэмцээнд өрсөлдөхөөр өчигдөр өглөө эх орноосоо морджээ. Тэд долоо хоног хамтарсан бэлтгэл хийгээд тавдугаар сарын 15-20-ны өдрүүдэд болох Хабаровскийн тэмцээнд өрсөлдөнө. А.Алт