Оросын холбооны улс жил бүрийн тавдугаар сарын 9-нд Дэлхийн II дайнд фашист Германыг ялсны баярын өдрийг ёслол төгөлдөр тэмдэглэн өнгөрүүлдэг билээ. Улсынхаа цэргийн сүр хүчийг харуулдаг Ялалтын баярын сүрт жагсаалын албан ёсны арга хэмжээ Улаанбаатарын цагаар 14.00 цагт эхлэх юм. Ялалтын 67 жилийн ойн баярын жагсаал зохион байгуулах бэлтгэл ажилд Орос улс 100 гаруй сая рубль зарцуулдаг бөгөөд баярын үеэр аюулгүй байдлыг хангахаар цагдаагийн 200 мянга, цэргийн 130 мянга албан хаагч ажиллаж байна. Харин уг арга хэмжээг зочид, төлөөлөгчид нийлээд бараг 14 сая хүн үэж сонирхоно гэсэн тооцоо гарчээ. Үүнээс гадна Оросын том, жижиг 5300 гаруй хот, тосгон дүүрэгт цэргийн 100 сүрт жагсаал явуулах аж. Түүнчлэн тус талбайд болох жагсаалд 20 мянган цэрэг болон Топол-М баллистик пуужин, Эс-400 агаарын хамгаалалтын систем, Панцир-Эс1 хамгаалалтын систем, Искандер-М пуужин харвагч зэрэг 100 гаруй цэргийн тоног төхөөрөмжийг олны өмнө харуулах юм. П.Наран