-2008 оны долдугаар сарын 1-ний үймээнээр  хүний амь эрсдсэн хэрэгт таныг биш тухайн үеийн цагдаагийн удирдлагуудыг  шалгаж яллах гэж байна. Тэднийг яллах нь зөв үү буруу юу. Тайлбар хийгээч? -Долдугаар сарын нэгний асуудал, долдугаар сарын 2-ны шөнийн асуудал тусдаа. Долдугаар сарын хоёрны шөнө таван хүний амь эрсэдсэн. Харин долдугаар сарын 1-нд сонгуулийн луйврыг эсэргүүцэж тэмцсэн. Сонгуулийн луйврыг эсэргүүцсэн нь бус сонгууль луйвардсан хүмүүст, хүний аминд хүрсэн эрх баригчдад хариуцлага тооцох ёстой. Үүний төлөө би эцсээ хүртэл явна. -Үймээний дараагаар  энэ хэрэгт холбогдож шалгагдсан хүний нэг бол та. Таныг шалгагдах ёстой гэх хүмүүс олон байна? - Би  хоёр жилийн турш холбогдох хууль хяналтын байгууллагад  шалгуулсан. Надад холбогдох бүх асуудал прокурорын шатанд хэрэгсэхгүй болсон. Шаардлагатай гэж үзвэл дахин шалгуулахад ч бэлэн байна.  Би асуудлаас зугтдаггүй. Би өршөөлийн хуульд хамрагдаагүй.