Оросын нийслэл Москва хотод нэгэн золгүй явдал болжээ. Эцэг эх нь охиноо анхааралгүй хэдхэн минут орхиход нялх үр нь аквариумд унаж, нас барсан байна. Өнөөдөр орон нутгийн цагаар 14:05-д энэ золгүй явдал гарсан аж. Эцэг эх хоёр нь байшингийнхаа хонгилд түр тамхилахаар гараад ирэх хооронд энэ явдал болжээ. Сайн явж сураагүй охин ширээн дээр байсан 40х30х15-ийн хэмжээтэй аквариум руу зүтгээд, тэнцвэрээ ололгүй дотор нь уначихсан гэж цагдаагийнхан таамаглаж байна. Эцэг эх нь охиноо аквариумаас гаргаж аваад сэргээж, амьдруулахыг хичээсэн ч нэмэр болоогүй ажээ. Охин Лена ирэх арваннэгдүгээр сарын 1-нд нэг ой хүрэх байв. Одоогоор цагдаа нар золгүй явдлыг нягтлан шалгаж байна.

Р.Гэгээ