Нүхтэд барилга нурж олон тооны хүн дарагдсан гэсэн мэдээлэл манай сайтад ирсэн юм. Үүний дагуу  Онцгой байдлын албаны 105 дугаарт холбогдон тодруулахад "Энэхүү мэдээлэл манайд 15.00 цагт ирсэн. Уг газарт Онцгой байдлын албаныхан ажиллаж байгаа. Дэлгэрэнгүй мэдээлэл өгөх боломжгүй байна. Одоогоор нэг хүнийг нурсан барилга доороос гаргаад байна" гэсэн юм.  Харин тус газарт ажиллаж байгаа манай сурвалжлагчийн мэдээлснээр "Өргөнөөрөө 20 м, уртаараа 60 м барилга сууриараа доошоо нурж, 14 хүн дарагдсан. Үүнээс 13 хүнийг одоогоор гаргаж авсан. Нэг хүн сураггүй байна. Нурсан барилгаас гаргаж авсан хүмүүсийн биеийн байдал тодорхойгүй байгаа бөгөөд осол болсон газарт Онцгой байдлын албынхан, түргэн тусламж, цагдаагийн 100 гаруй хүн ажиллаж байна" гэлээ. Бид энэ талаархи дэлгэрэнгүй  мэдээллийг удахгүй хүргэх болно.   Д.Цэцэг