Өнөөдөр 15.00 цагийн үед Нүхтэд барьж байсан 30*14 хэмжээтэй барилга нурж, тэнд ажиллаж байсан 14 хүний зургаан нь дарагдсан байна.  Тэдгээрээс Энхбаяр, Энхтүвшин, Нямдаваа, Ганзориг нарыг гаргаж аваад байгаа юм. Харин нэг хүн нь буюу 56 настай Даваанямыг одоогоор олдоогүй байна. Тэрбээр хоёр жилийн өмнө Увс аймгаас Улаанбаатарт ирж ажиллаж байгаа нэгэн бөгөөд аврагч нар түүнийг хайсаар байна. Энэ зургаан хүний тав нь нэг гэр бүлийн буюу аав нь дөрвөн хүүгийн хамт тус барилга дээр ажиллаж байсан аж.Онцгой байдлын албаныхны хэлж байгаагаар "Гурван цаг орчмын өмнө болсон энэ осолд орж, барилгад дарагдсан  хүн амьд байх магадлал тун бага байна" хэмээн хэлж байсан бол уг  нурангид дарагдаад олдохгүй байсан нэг хүнийг  ОБЕГ-ын алба хаагчид шуурхай ажилсны хүчинд барилгын баруун урд хэсгээс олсон байна. Тус барилга нурсан шалтгаан нь барилгын суурийг цутгаад хатаж амжаагүй байхад нь шинэ технологи ашиглаж байна гэсэн нэрийдлээр нэгдүгээр давхарын шалыг цутгаж байх явцад энэ хэрэг болсон байна. Гэмтсэн хүмүүсээс тавыг нь Гэмтэл согог судлалын үндэсний төвд хүргэсэн бөгөөд, тус эмнэлгийнхнээс авсан мэдээллээр хоёр нь хэвтэж эмчлүүлж байгаа бөгөөд гурван хүн нь шинжилгээ хийлгэж байгаа юм байна. Энэхүү барилгыг  иргэн О.Мэндсайхан бариулж байгаа аж.  Эдгээр барилга дээр ажиллаж байсан ажилчид нь ямар нэгэн барилгын компанид харъяалагддаггүй, хувиараа ажиллаж байсан бригадынхан байжээ.                         гэрэл зургийг Ариунаа Д.Цэцэг