Монголын бүх ард түмний спортын ХIII наадмын чөлөөт бөхийн тэмцээний хоёр дахь өдөр эрэгтэйчүүдийн 60, 84, 96 кг, эмэгтэйчүүдийн 48, 63 кг-ийн жингийн бөхчүүдийн барилдаан боллоо Гавьяат тамирчин Б.Наранбаатар жин өгсөн 60 кг-ийн жинд зодоглож хэсгээсээ гарах барилдаанд залуу Б.Нямдоржид 1:1, 1:1, 0:1 онооны харьцаагаар ялагдсан байна. 60 кг-ийн жинд хэсгээсээ гарах барилдаанд манай шилдэг бөхчүүд болох Б.Баянмөнх, Б.Нэмэхбаяр нарын барилдаан хурц өрсөлдөөнтэй болж олон улсын хэмжээний мастер Б.Нэмэхбаяр 2:0, 2:1 онооны харьцаагаар ялсан. 84 кг-ийн жинд алтан медалийн төлөө барилдаанд спортын мастер О.Үйтүмэн олон улсын хэмжээний мастер П.Өсөхбаатарыг 4:0, 3:0 онооны харьцаагаар илүүрхэн хожлоо. Түүний ах О.Түмэндэмбэрэл мөн жинд хүрэл медаль авлаа. 63 кг-ийн жинд Гавьяат тамирчин С.Батцэцэг алтан медалийн төлөө барилдаанд нэгдүгээр үеийн төгсгөлд Гавьяат тамирчин О.Насанбурмааг баруун хөлд нь явахад нь лав сугадан тонгорч цэвэр дарсан. 96 кг-д Олон улсын хэмжээний мастер Ч.Ганзориг спортын наадамд гурав дахь удаагаа түрүүлж, 48 кг-д Гавьяат тамирчин Ц.Энхжаргал хошой аварга болж Гавьяат тамирчин С.Батцэцэг, олон улсын хэмжээний мастер Б.Нэмэхбаяр, О.Үйтүмэн нар анх удаагаа түрүүлэв. ТЭМЦЭЭНИЙ ДҮН 60 кг (26 бөх): 1. Батсайханы Нэмэхбаяр /Хан-Уул дүүрэг/ 2. Баттулгын Нямдорж /Баянгол дүүрэг/ 3. Баяраагийн Наранбаатар /”Хүч” спорт хороо/ 3. Нармандахын Лхамгармаа /”Алдар” спорт хороо/ 84 кг (34 бөх): 1. Оргодолын Үйтүмэн /”Хүч” спорт хороо/ 2. Пүрвээгийн Өсөхбаатар /”Алдар” спорт хороо/ 3. Мягмарсүрэнгийн Батмөнх /Хан-Уул дүүрэг/ 3. Оргодолын Түмэндэмбэрэл /”Хилчин” спорт хороо/ 96 кг (25 бөх): 1. Чагнаадоржийн Ганзориг /”Сүлд” спорт хороо/ 2. Нацагсүрэнгийн Золбоо /”Хүч” спорт хороо/ 3. Лхагвасүрэнгийн Шинэбаатар /”Алдар” спорт хороо/ 3. Доржхандын Хүдэрбулга /”Хүч” спорт хороо/ Эмэгтэй 48 кг (19 бөх): 1. Цогтбазарын Энхжаргал /Баянгол дүүрэг/ 2. Цогтбаатарын Цэнджав /Налайх дүүрэг/ 3. Ганбаатарын Отгонжаргал /Баянзүрх дүүрэг/ 3. Юрагийн Ганхайч /Хан-Уул дүүрэг/ 63 кг (10 бөх): 1. Соронзонболдын Батцэцэг /”Хилчин” спорт хороо/ 2. Очирбатын Насанбурмаа /”Хүч” спорт хороо/ 3. Шархүүгийн Түмэнцэцэг /”Хилчин” спорт хороо/ 3. Далайн Эрдэнэтунгалаг /Баянзүрх дүүрэг/