Нийгмийн хариуцлагаа эрхэмлэгч Ханбүргэдэй компани  Татварын Ерөнхий Газрын тэргүүн шагнал болох “Хөх дэвтэр”-ийн эзэн боллоо. “Хөх дэвтэр” шагналыг томоохон шилдэг татвар төлөгч болон нийгмийн хариуцлагаа ухамсарладаг аж ахуйн нэгжүүдэд энэ жилээс эхэлж олгож байгаа билээ. Мөн нийгмийн даатгалын санд төлсөн шимтгэлээрээ тэргүүлж Баянгол дүүргийн Нийгмийн Даатгалын Газрын “Шилдэг шимтгэл төлөгч” байгууллагаар шалгарлаа. Ханбүргэдэй компани улсад төлж буй татвар, шимтгэлээрээ манлайлан улс, нийслэл, дүүргийн татварын газраас шилдэг татвар төлөгчөөр удаа дараа шалгарч байгаа бөгөөд энэ нь тус компанийн хөгжлийн цар хүрээ, нийгмийн хариуцлагыг илтгэж байгаа төдийгүй Монгол улсынхаа хөгжилд оруулж буй бодит хувь нэмэр юм.