Монголын их хаан Модун Шаньюүгийн тухай жүжгийн дууг дуулж энэ нь "Гэгээн Муза-2011” наадмаас шилдэг хөгжмийн бүтээл гэсэн шагналыг хүртэж байсан “Uvertura” хамтлагийнхан шинэ цомгийнхоо ажилд оржээ.   Хоолойны цар, шинэлэг өнгө аясыг мэдрүүлэн Монголын урлагт хөл тавьж чадсан тус хамтлагийнхан жинхэнэ Монгол үндэсний поп операг мэдрүүлэхээр ажиллаж байгаа аж. Тодруулбал, тус хамтлагийнхан  мэргэжлийн чадварлаг уран бүтээлчидтэй хамтран ажиллаж байгаа шинэ цомогт “Өнө мөнх орон”, “Цагийн аяс” зэрэг хуучин дуунууд нь багтах юм байна.   Түүнчлэн тус хамтлагийнхан “Лондон 2012” олимпийн наадамд улсаа төлөөлөн оролцох тамирчдад зориулсан дууг дуулж байгаа аж.     П.Наран